- Bidraget er eit ledd i arbeidet mot mobbing, og er eit pedagogisk og fagleg produkt med innslag av intervju og dramatisering, meint å treffe ungdom gjennom sosiale media, skriv Sogn og Fjordane fylkeskommune.

Laga av unge for unge

Målet har vore å lage ein film som kan vere eit supplement i arbeidet mot mobbing i oppvekstsektoren. Elevane ved helsefagarbeid og mediefag på Øyrane vidaregåande skule, meinte at ein film laga av unge – for barn og unge – ville vere måten å gjere det på.

Rikskjendisar og idrettsprofilar som Niklas Vindel (Paradise Hotel), Eirik Bakke (Sogndal Fotball) og Freddy dos Santos (Vålerenga) er nokre av dei som har vorte intervjua i filmen.

- For å nå måla med filmen, fann vi ut at vi måtte tenkje stort, seier prosjektansvarleg Harald Wiken.

Effektar & økonomisk støtte

Som eit ledd i denne prosessen blei det òg trykt opp t-skjorter for 32 000 kr med “Følg med”-logoen, som blei delt ut til aktørane i filmen.

Filmen hadde eit totalbudsjett på 46 000 kroner, og vart gjort mogleg å lage med støtte frå Vardar for Folkehelse, Førde kommune og Øyrane vidaregåande skule. Filmen vil bli brukt i arbeidet med folkehelse i fylkeskommunen.