Nasjonalt organ for kvalitet i utdanninga (NOKUT) har gjennomført ei grundig evaluering av alle dei 20 førskulelærarutdanningane i Noreg. Oppdraget fekk dei frå Kunnskapsdepartementet.

Grundig evaluering

Evalueringa har gått over nærare to år, og baserer seg på eit grundig materiale. Kvar institusjon har gjennomført sjølvevaluering, studentar og ferdig utdanna førskulelærarar har kome med sine vurderingar, i tillegg til styrarar og øvingslærarar i praksisbarnehagar.

Komité på besøk

Evalueringskomitéen har studert fagplanane, henta inn data om prestasjonane til studentane, vitja institusjonane og møtt studentar, lærarar og leiing.

God attest for HSF

”Førskulelærarutdanninga ved Høgskulen i Sogn og Fjordane står fram som ei stabil og god utdanning, som etter komiteens meining langt på veg har nådd sitt mål om å vere kompetent, aktiv og nær.”
- Dette er formuleringar som står i sterk kontrast til vurderinga av dei fleste andre institusjonane (universitet og høgskular) sine førskulelærarutdanningar, skriv HSF i pressemelding dei har sendt ut.

Les meir om NOKUT-evalueringa.