- TEMPOSEMINARET er det største inspirasjonsseminaret for næringslivet i Sogn og Fjordane, og har opparbeidd eit ry som eit av dei beste inspirasjonsseminara i landet – det viser både tilbakemeldingar frå publikum og frå profilerte føredragshaldarar. Kring 400 deltek på Temposeminaret kvart år,, skriv primus motor bak arrangementet, Per Øyvind Helle.

Dette handlar seminaret om

- Temposeminaret handlar om vekst, utvikling, framtid, marknadsføring, kreativitet, hardt arbeid, erfaring, motivasjon, kommunikasjon og relasjonsbygging… kort sagt; suksessfaktorar i livet – og næringslivet. Finst det ei ”oppskrift” på kven som klarar seg best? Og kva ingrediensar må til i denne oppskrifta? Det har føredragshaldarar mykje erfaring med og meiningar om.

Kjendisar & prisutdeling

Jonas Ridderstråle, Harald Rønneberg, Anne Aasheim, Manuel Knight og Geir Haarde m/Geir Helljesen står på programmet. 10-års-jubileet blir feira med ein forrykande festkveld med Norges mest populære programleiarar som festleiarar; Thomas Numme og Harald Rønneberg. Den prestisjefylte og fylkesdekkende næringslivsprisen, Tempoprisen, blir delt ut av generalsponsor, Sparebanken Sogn og Fjordane, under seminaret.

Tidlegare vinnarar av Tempoprisen:
• 2001 - Svein Inge Fosse, Kalvåg
• 2002 - Mercatus AS, Florø
• 2003 - Rune Økland, Florø
• 2004 - BB Gruppen
• 2005 - INC Gruppa og Havlandet Marin Yngel AS
• 2006 - Elis AS, Dale
• 2007 – Nomek AS, Stryn
• 2008 – Hellenes AS, Førde
• 2009 – PSWinCom/Ernst Strøm, Florø
Dei fem første åra vart prisen delt ut til personar, eller bedrifter i Flora og Bremanger, men frå 2006 er prisen utvida til å bli fylkesdekkande. Sparebanken Sogn og Fjordane er generalsponsor for prisen.