Innovasjon Norge har jobba intenst over ei lengre periode med å finne nye eigarar til felgproduksjonen i aluminiums-bygda. Det har ikkje mangla på tilbod om produksjon i utlandet, men til slutt fann Innovasjon Norge ein eigna partnar som ville satse i Høyanger.

Global bildelprodusent

- Vi er veldig glade for at Saint Jean Industries (SJI) satsar i Høyanger. Nå har vi fått inn ein global bildelprodusent som kjenner bilmarknaden. Det gir gode føresetnader for å lukkast og skape svært etterlengta arbeidsplassar, skriv Halvor Flatland, direktør for Innovasjon Norge i Sogn og Fjordane, i ei pressemelding.

Endå fleire arbeidsplassar

SJI legg opp til ei gradvis opptrapping av produksjon og arbeidsplassar. I 2013 er målet 70 arbeidsplassar og 200 000 felgar. I 2015: 500 000 felgar og 150 tilsette. Dette krev store investeringar i fabrikken; rundt 120 millionar kroner i perioden 2011- 2015.

Nøgd næringsminister

- Det er positivt at ein har kome fram til ei løysning med planlagt ny produksjon i Høyanger. Dette bidreg til å sikre arbeidsplassar, og kan få store ringverknader for lokalsamfunnet. Innovasjon Norge har jobba både hardt og lenge for å kome fram til ei slik løysning. Dette er eit godt eksempel på at verkemiddelapparatet fungerar godt, sier nærings- og handelsminister Trond Giske.