– Innovasjon er avgjerande for å oppretthalde produksjonen i Stryn. SkatteFUNN har vore eit viktig tiltak for å utvikle verksemda, seier Ingvar Hagen ved Hagen AS i Stryn i ein artikkel om SkatteFUNN på Innovasjon Norge sine sider.

Hagen AS produserer kvalitetstrapper og er ein av dei leiande produsentane av tretrapper i Europa.

Det siste tiåret har bedrifta tatt i bruk ny teknologi for å vere konkurransedyktige med lågkostlanda. Tredje generasjon har no tatt over roret i familiebedrifta. Dei satsar aktivt på innovasjon.

Ein søknad om SkatteFUNN føreset at bedrifta har klare mål for prosjektet. Hagen trur at denne prosessen kan vere med å gjere bedrifta meir medvitne sine vegval.

– Eg trur mange bedrifter vegrar seg for å nytte ordninga for det inneber masse papirarbeid og byråkrati. Erfaringa mi er at SkatteFUNN er ei enkel og effektiv støtteordning. Innovasjon Noreg har vore viktige i førebuinga av søknadane. Vi har fått tips om mulege samarbeidspartnarar og innspel til søknaden, seier Hagen.

Søknadsfrist: 1.september 2011. Les meir om SkatteFUNN.