Lær av Gloppen...

Det meiner Monica Brandsøy Lystad - som melde flytting til Sandane i september. Les bloggen til Monica her - på Framtidsfylket og lær nokre grep om korleis ein som kommune kan bli meir attraktiv for tilflyttarar.

... og Sunnfjord

15 minuttar etter at nyhendebrevet med denne meldinga vart sendt ut til dei som abonnerer, tikka denne responsen inn:

"Tenkte eg kunne informere om velkomsthelsinga Sunnfjord-kommunane deler ut til nytilflytta. Vi har samarbeidd om utvikling av ei velkomstmappe som vert sendt til alle nytilflytta husstandar kvart kvartal.

Innhaldet i mappene varierer i kommunane. Frå Jølster var innhaldet dette kvartalet:

- Velkomstbrev frå ordføraren

- Turguide, med merka fjellturar i heile kommunen

- JølstrAvis (kommunen si 8 siders infoavis, utgjeven kvart halvår)

- Speidarblokka, med kart over kommunen, skulerute, viktige telefonnummer m.m.

- Gåvekort på 1 månad gratis abonnement på avisene Firda og Firda Tidend

- Lister med kontaktinfo til alle lag og organisasjonar i kommunen

- Sunnfjord-brosjyra frå Reisemål Sunnfjord

Med vennleg helsing

Silja Juklestad, prosjektleiar Mobilisering og Tilbakeflytting"

Utfordrar fleire

Driftig er glad for respons, takkar Silja Juklestad, og utfordrar andre kommunar og folk i fylket til å kome med fleire gode tips til korleis ein på best mogeleg måte skal ta imot tilflyttarar.