1700 entusiastiske 4H-medlemar frå 16 ulike land fekk høgdepunktet for 2009 brått avslutta då det braut ut svineinfluensa på leiren i Gloppen.  På nettsida til 4H står det å lese at det har vore flotte leiropplevingar, trass i svineinfluensaen.

Stor takk

Generalsekretær Astrid Solberg sende ein stor takk til alle som har lagt ned eit omfattande arbeid for leiren, og roser dei for innsats og engasjement. Uansett; alle involverte har fått nyttig erfaring i høve eventuelle framtidige arrangement. 

Stolt sølvvinnar

- Eg er stolt og ikkje minst overraska over å få ei slik utmerking, sa Leiv Sølvberg etter at han hadde fått synleg prov på at innsatsen han har lagt ned i 4H er blitt lagt merke til. Ordførar i Naustdal, Håkon Myrvang, overrekte medaljen under opningsseremonien til den nordiske leiren.

Aktiv sidan 1955

Sølvberg har vore aktiv i 4H sidan 1955, då han starta som medlem i Naustdal. Sidan 1969 har han, med eit kort avbrekk, vore tilsett i 4H. Først som 4H-instruktør i Vest-Agder, sidan som 4H-konsulent i Sogn og Fjordane. Han er no seniorkonsulent og arbeider på nasjonalt nivå i 4H Norge. 

Driftig gratulerer Sølvberg med velfortent medalje!