- Ein får ikkje berre vere gründer første året, men kvar dag og heile tida, sa Kvalheim då han mottok prisen, som er på 30.000 kroner.

Godt førebilete for gründerspirer

- Sindre Kvalheim har synt at det er fullt mogeleg for IT – gründerar å lukkast og halde fokus på vidareutvikling gjennom framtidsretta satsingar også i distrikta. Denne unge gründeren er såleis eit framifrå førebilete for gründerspirer i Sogn og Fjordane, sa Kjartan Longva under utdelinga. 

Kommersiell innretning gir fleire arbeidsplassar

Kvalheim er gründeren av verksemda Local Host som er totalleverandør av IT, med fokus på datalagring. Dette inneber at LokalHost overfører kunden sine data og programvarer til eigne serverar. Kunden har dermed ikkje behov for fysiske installasjonar som harddisk eller serverar, og vil kunne hente ut data enkelt ved å logge seg på LocalHost sitt nettverk eller internett. Kunden betalar fast pris i månaden for tjenesta, og treng ikkje tenke på fysisk lagringsstad, vedlikehald eller oppdatering av programvarer. Denne kommersielle innretninga av produktet har ført til god omsetnad og fleire arbeidsplassar i bedrifta, noko som er med på å gi positive ringverknader i lokalsamfunnet i Måløy.

Rosar fylket

Kvalheim har ved fleire høve skrytt av gode støttespelarar og investorar som var med på å gjere valet om å flytte attende til heimkommunen og starte bedrift enkelt.
Du kan lese meir frå prisutdelinga på Sogn og Fjordane fylkeskommune sine nettsider.