Tidlegare i sommar løyvde Hovudutval for plan og næring i Sogn og Fjordane fylkeskommune 100.000 kroner til ei forstudie om korleis det skal vere mogeleg å nå målet om betre samarbeid, kanskje i form av eit eige forum og prosjektstilling.

Mykje å hente

”Fosshaugane Campus er eit kompetansesenter med enormt potensiale for fokus på kunnskapsbasert næringsliv. Eit bindeledd mellom høgskulen, vidaregåande skule, Vestlandsforsking og næringsliv er viktig, med eit hovudmål å få fleire kunnskapsbaserte stillingar og få ein større del elevar til å bli i fylket etter utdanning, heiter det i søknaden frå Sogn Næring.
Dette er i tråd med fylkesplanmeldinga, som meiner ein bør satse sterkare på arbeidsplassar som krev høgare utdanning.

Opprette prosjektstilling

Målet er å skape eit forum/arena mellom dei ulike aktørane, og dermed kople dei ulike kompetansemiljøa saman. Heilt konkret blir det vurdert å lage eit samarbeidsprosjekt mellom dei største aktørane der alle er med å finansiere ei prosjektstilling frå våren 2012.
 

Les meir på heimesida til fylkeskommunen.