Løyvinga skal hjelpe kommunane til å vere gode støttespelarar for etablerarar og lokalt næringsliv
 

Fleire nyetableringar

Fylkeskommunen si løyving til kommunale næringsfond i Sogn og Fjordane har auka med nesten 4 mill. kr. frå 2008 til 2009. Midlane skal vere med på å legge til rette for fleire næringsetableringar i kommunane.

Av løyvinga på 12,4 mill. kr. går 11,65 mill. kr. til påfylling av kommunale næringsfond, 500 000 kr. til felles etableraropplæring og 250 000 til tilskot til felles tiltaksapparat.

Fordeling 2009:

• Eid 779 709 kr.
• Fjaler 624 973 kr.
• Førde 1 085 649 kr.
• Gaular 620 826 kr.
• Gulen 596 564 kr.
• Hornindal 542 307 kr.
• Jølster 630 705 kr.
• Leikanger 590 064 kr.
• Naustdal 615 605 kr.
• Stryn 829 513 kr.
• Vågsøy 786 261 kr.
• Askvoll 634 852 kr.
• Gloppen 770 086 kr.
• Hyllestad 555 154 kr.
• Selje 626 815 kr.
• Sogndal 836 372 kr.
• Solund 524 545 kr.

Avgjerande å møte etablerarar på ein god måte

Mindre bedrifter og personar som ikkje har eit kundeforhold til Innovasjon Norge bør som hovudregel ha førstekontakten mot kommunen. Det er svært viktig at kommunen møter etablerarar på ein god måte.

Kommunane som får midlar til kommunale næringsfond må difor møte nokre krav for eit tilfredstillande næringsarbeid. Kommunane må mellom anna ha eit tiltaksapparat som møter etableraren på ein god måte, og ein oppdatert strategi for næringsutvikling.

.