Kvinner i Sogndal, Førde, Florø, Måløy og Nordfjordeid fekk i løpet av ei veke høyre Mariann snakke om mot til å kaste seg ut på djupt vatn og satse. Ho blei introdusert som den "rosa rebellen frå Stryn".

Kjeda seg som ung

Mariann er eit levande eksempel på viljen til å "gutse". Som ung kjeda ho seg i Stryn, der dei fleste spelte handball og fotball. Ho var glad i musikk og einaste alternativa var kor og pianoundervisning.

Rock

Det var først etter å ha hørt Curt Cobain og Nirvana ho blei fanga av rock. Ho kom heim og starta  Stryn musikkverkstad i Stryn. Ho var med i grupper som deltok i Ungdommens Kulturmønstring, der dei til slutt vann heile landsfinalen. Etter det vart det Bø, Oslo, Stockholm, Oslo, London, Tyskland, USA, Canada og Kina.

Grublar for lenge

- Mange jenter grublar for lenge. Det blir med praten. Så er vi så teite at vi spør andre om råd og dei seier stort sett alltid nei. tenk på deg sjølv. Ta utfordringane. Det er ikkje så lenge vi er på denne planeten, sa Mariann til eit fascinert publikum av damer i salen.

Treng fleire jenter

Rockeartisten frå Stryn har stort sett hengt saman med gutar/menn og følte seg ofte åleine som rockeinteressert jente frå bygda. Ho har lyst å sjå fleire jenter på dei ulike arenaene.

- Eg saknar dokke. Det er einsamt der ute, sa ho og la ikkje skjul på at 9 års hardt arbeid også har kosta. Ho har tenkt meir og meir på å flytte heim til Sogn og Fjordane.

Musikkrektor?

- Men då må eg starte med noko som verkeleg inspirerer meg, kanskje rektor fpå ein kulturskule? Eg elskar å jobbe med barn og unge. Det er viktig å inspirere "kidsa" våre! seier Mariann Thomassen undervegs på Jentetreff-turnéen i Sogn og Fjordane.

Meir om Mariann på MySpace