Her er den siste filmen til Framtidsfylket. Også innbarka folk i fylket kan ha nytte av å sjå alle dei mulegheitane som ligg i å satse på eit liv i Sogn og Fjordane.

Her er intervju med folk som padlar til jobb, som har valt eit arbeidsliv som kan kombinerast med familieliv og fiske - i hagen (?!) og gründarar som meiner dei har større sjanse for å lukkast i Måløy enn i Oslo.

- Kvar fredag frametter våren blir ein ny video lagt ut, der sjåaren får følgje mange av dei vi blir kjende med i hovedfilmen. Det blir også lansert ein konkurranse med ein velsmakande hovudpremie, der kven som helst kan bidra med sine videosnuttar eller kommentarar om kva dei likar best med Sogn og Fjordane, seier dagleg leiar i Framtidsfylket, Anne van Oorschot. Ho oppmodar alle i fylket om å bruke filmen flittig i marknadsføring av fylket.

Framtidsfylket er Sogn og Fjordane si merkevare for jobb og rekruttering, og omfattar nettportalen framtidsfylket.no, Framtidsfylket Trainee og Framtidsfylket Karrieremesser i Oslo, Bergen, Trondheim og Sogndal.

Spleiselag bak fylkesfilmen

Den nye Framtidsfylket-filmen er laga på initiativ frå Framtidsfylket, Sogn og Fjordane fylkeskommune og NHO Sogn og Fjordane. Bidragsytarar økonomisk har i tillegg vore Lotteri- og stiftelsestilsynet, SFE, Sparebanken Sogn og Fjordane, Sunnfjord Energi, Lerum, Fylkesmannen, Økonor og Rekomp-stiftinga.