- Vi har to mål med denne møteplassen; å møte andre gründerar og kome i kontakt med det eksisterande næringslivet, seier ein av initiativtakarane, Halvor Gregusson.

Ulike gründertypar

Første tysdagen i juni møtte rundt 15 personar på Knaken Café på Kaupanger, til ein workshop der dei skulle skissere vegen vidare. Korleis skal gründerlunsjen utvikle seg?
– Der møtte folk frå bedrifter som er etablert dei siste par åra; alt frå å drive med rehabilitering for psykisk utviklingshemma til å føre treningsdagbok på nett, fortel han.

Viktigaste er å møtast

Gründernettverket har eksistert nokre månader, og har lagt lunsjen til bedrifter som Lerum, Sogn Næring, Sparebanken Vest og no sist; den nyetablerte kaféen på Kaupanger. – Vi har fått invitasjon frå Tørvis Hotel, og oppmodar gjerne andre bedrifter i regionen om å ta kontakt for at vi skal bli betre kjende med kvarandre, seier Gregusson. Han inviterer også gründerar i Indre Sogn til å ta kontakt.

Kontaktperson:
Halvor Gregusson, Kunnskapsparken i Sogn og Fjordane.