NHO Sogn og Fjordane sin Nyskapingspris i 2010 gjekk til bedrifta AskAdam frå Mjømna i Gulen. AskAdam AS vart grunnlagt av gründerane Linn Dyveke og Njål Wilberg i 2008. Bedrifta leverer sms-søk mot nettleksikonet Wikipedia.

Gode rollemodellar

- Gründerane viser at ein kan skape sine eigne arbeidsplassar og at ein kan vere nyskapande utanfor dei store byane. Gjennom å etablere eit selskap som satsar på teknologi er dei framtidsretta og gode rollemodellar for ungdom i heile fylket, uttalar NHO Sogn og Fjordane i ei pressemelding.

Satsar internasjonalt

AskAdam marknadsfører seg også i Danmark og Sverige, og har planar om lansering i England i 2010.
Ni månader etter tenesta vart lansert, oppnådde AskAdam millionomsetnad.