Den fargerike skiltinga i Storehagen Atrium har fått dekning i både norske og utanlandske media siste tida.

Ralston & Bau er ein del av Transplant/Design Centre, ein kreativ møteplass med sete i Dale i Sunnfjord.

Ny bruk av gamal metode

Skiltinga i bygninga der mellom anna deler av Sogn og Fjordane fylkeskommune held til, nyttar ein T-baneanalogi. Utforminga på skilta har store likskapar med måten dei ulike rutene i eit T-banenettverk er gjort. I Noreg har dette mellom blitt omtala i designseksjonen til Dagbladet i sundagsnummeret den 7. november. I bygninga har kvar etasje sin eigen farge. Etasjen til fylkeskommunen er merka med oransje.

Når ut til mange i internasjonalt miljø

Nyleg fekk òg skiltinga merksemd i det utanlandske designmagasinet Fast Company’s Co. Design, eit magasin med fire millionar treff per månad. Fast Company’s Co. Design skryt over fargemerkinga som oppfyller krav til universell utforming, ved at fargane er distinkte nok til at fargeblinde skal kunne sjå forskjell mellom dei.

"A government building you want to get lost in. But can´t", skriv dei på frontsida.