Fjordsteam i Florø

Mellom 40 og 50 båtar vil vere på plass under arrangementet Fjordsteam. Det blir det doble av det arrangørane våga å håpe på i starten. I tillegg blir det over 200 veteranbilar, bussar og brannbilar. Arrangørane har ikkje våga å tenke på noko publikumstal enno, men dette kan bli det største publikumsarrangementet i jubileumsåret, trur dei, og lovar "fire nostalgiske dagar med kultur, historie, opplevingar, glede og begeistring".

Drivkrafta Stavenes

Heimesida vil ha ei oppdatert liste over påmelde båtar. Børøysund er den største båten, men elles er dei med dei fleste langs kysten. Stavenes er på plassatt  for første gong på mange år. Veteranskipslaget Stavenes er saman med Atløy hovudarrangørar av Fjordsteam.

80.000 i Bergen...

Det blir like mange båtar i Florø som det var under Nordsteam i Bergen for eit par år sidan. Då møtte 80 000 menneske fram for å sjå og vere med på båtfesten. Så mange reknar ikkje arrangørane at det blir i Florø, men dei lovar ein skikkeleg folkefest.