Barometeret er ein indikator på kva næringslivet i dei to fylka kan forvente seg i 2010.

Utfordrande 2009

Det siste året har vore utfordrande for store delar av næringslivet på Vestlandet. Dei fleste bedriftene trur likevel at 2010 skal bli betre. Deler av industrien og byggje- og anleggsnæringa er avventande.
I 2009 forsvann meir enn 600 arbeidsplassar i privat sektor i Sogn og Fjordane. Signala bedriftene sender ut om 2010, tilsvarar ein nedgang på 0,5 prosent, tilsvarande 150 arbeidsplassar.

Auka omsetnad og lønsemd

Nærare halvparten av bedriftene ventar auka omsetning og lønsemd. Men bedrifter innafor industri, bygg og anlegg slit med lågare ordrereservar og kortare ordrehorisont.
30 prosent av kommunane forventar vekst innafor pleie- og omsorgstenesta. Også innafor barnevern og sosiale tenester ventar kommunane vekst.

Utviklar eigne tilsette

Dei fleste bedriftene har prøvd å møte utfordringane som følgjer av nedgangskonjunkturen, med positive tiltak. Bedriftene i dei to fylka er opptekne av å halde på og vidareutvikle dei tilsette. Orientering mot nye marknader er eit tiltak som er aktuelt for mange, særleg innafor industri og reiseliv.

Næringsbarometeret er utarbeida i samarbeid mellom Hordaland fylkeskommune, Sogn og Fjordane fylkeskommune, NAV, NHO, Innovasjon Norge og Sparebanken Vest.