Leiarsamling i Sogndal

Sogn Næring inviterer til leiarsamling ein heil dag i september. Bedrifta Vossavekst er hyra inn for å halde foredrag om leiarrolla, kommunikasjon og deler raust tips om korleis få til eit godt arbeidsmiljø.

Gründerane bak Vossavekst

- Me vektlegg ein aktiv dialog med gruppa, og vil gje dei oppgåver og utfordringar undervegs, seier Eli-Karin Yndestad, ei av dei to kvinnene som står bak Vossavekst. Ho har mange års erfaring som leiar i kommunal sektor, frå undervisning ved Høgskulen i Bergen og gjennom tillitsverv i fagorganisasjon. Ho har i ei årrekkje vore meklar i Konfliktrådet i Hordaland.

Den andre personen bak Vossavekst er Marit Ystanes, som har meir enn 20 års erfaring frå det private næringsliv; innan sal, marknadsføring, prosjektleiing og administrativ leiing. - Eg har aldri vore redd for å ta val, og søkje nye utfordringar. Dette har gitt meg erfarinara frå bransjer som bygg og anlegg, tv og reklame, inkasso og kredittstyring, skriv ho på nettsida til Vossavekst. Ho er godkjent og sertifisert som coach.

Samlinga vil vare frå rundt kl. 12.00 til 18.00 – med påfylgjande middag. Heile opplegget kostar kr. 1000,- Deltaking etter først-til-mølla-prinsippet.
Dagleg leiar ved Sogn Næring, Wilhelm Tangerud, er den rette mannen å ta kontakt med for meir informasjon og påmelding.