Hovudmålsetjinga med naturarvprosjekta er auka verdiskaping i og ved naturvernområda. Det er Luster kommune i samarbeid med Breheimsenteret i Jostedalen som er ansvarleg for prosjektet "Mellom Fjell - Fjord og Folk" i Luster. Nettsida til Breheimsenteret kan vere til stor inspirasjon for andre som lurer på korleis bruke videosnuttar i marknadsføringsarbeidet.

Fylket hevdar seg på landsbasis

Med dette har Sogn og Fjordane fått heile tre av totalt 15 prosjekt på landsbasis. Det er løyvd 25 millionar kroner samla til desse 15 prosjekta i 2010. Frå tidlegare er to prosjekt i Sogn og Fjordane starta opp: "Kystarven" i HAFS-området og "Verdiskaping skjer i møtet - Nærøyfjorden".

Arv som forpliktar

Fylkesmiljøvernsjef Nils Erling Yndesdal seier seg svært nøgd med at to av ti hovudprosjekt med dette er i Sogn og Fjordane. - Vi opplever det som ei verdsetjing av den store og varierte naturarven i Sogn og Fjordane, noko som forpliktar. Det er også ei anerkjenning av planleggingsarbeidet som er gjort i Solund og Askvoll og i Verdsarvsekretariatet i Aurland, og ei stadfesting av at dei har noko som er verdt å utvikle.