Frist for søknader til Regionalt forskingsfond Vestlandet og fleire av programma i Forskingsrådet er 12. oktober. I dette høve inviterer Regionalt forskingsfond Vestlandet og Forskingsrådet potensielle søkarar til gratis kurs i søknadsskriving og prosjektutvikling.

Tid/stad:
Tysdag 27. september kl. 11.30-16.30. 11. etasje i Statens hus i Bergen.

Dagen startar med ein enkel lunsj frå kl. 11.30.

Målgruppe:
Bedrifter, offentleg sektor og FoU-miljø som alt er godt i gang med ein søknad eller har klare tankar om eit FoU-prosjekt. Kurset er praktisk retta og set søkelys på:
- Korleis utvikle ein prosjektidé?
- Korleis skrive ein god søknad?

Tilbod til alle søkarane:
Har du ei prosjektskildring/prosjektskisse under arbeid som kan bli gjennomgått og diskutert i fellesskap på kurset? Den treng ikkje vere komplett. For at du skal få fullt utbytte av kurset oppfordrar arrangørane å nytte høve til å gå gjennom prosjektskildringa di. Dei vel ut nokre prosjekt, i samråd med dykk, som blir gått gjennom under kurset. Dei ønskjer prosjektidear både frå offentleg sektor, bedrifter og forskingsinstitusjonar.

Påmelding til ama@forskningsradet.no innan 22. september. Send inn prosjektskisse på førehand til same mailadresse og frist. Dersom dei ønskjer å nytte ei skisse i kurset vil dei sjølvsagt be om løyve til dette.

Kurset er gratis og er eit samarbeid mellom Regionalt forskingsfond Vestlandet og Forskingsrådet.