Metoden er henta frå South Carolina i USA og legg vekt på å gje elevane kunnskap om korleis eit lokalsamfunn virkar og korleis det er bygd opp.

Eigne arbeidsplassar i lokalmiljøet

Gjennom REAL lærer elevane å sjå kva som er mogleg og å gjere noko med det. Dei ser eigne evner og ressursar i samanheng med lokalsamfunnet sine verdiar og behov. Dei skal ikkje primært lære seg å skape eigen bedrifter, men vil få ei forståing for korleis ein kan skape sin eigen arbeidsplass i lokalmiljøet. Gjennom REAL får dei oppleve at dei kan noko og ser at dei kan ta grep om sine eige liv.

Trening i å tenkje positivt

Blant øvingane er å søke jobb og bli intervjua. Gransking av stadnamn, ressursar og bedrifter i nærmiljøet, bygdevandring og besøk i hjørnesteinsbedrifter.

Øvingane skal gje elevane mot, ansvar og kreativitet, evne til å jobbe sjølvstendig og der godt sjølvbilde og tru på eigne evner ligg i botnen. Elevane blir trent i å tenkje positivt og stå på.

Kurs på Høgskulen

Vil du at din skule skal kome igang med entreprenørskapsarbeid mellom skule og lokalsamfunn? Då kan du lære om REAL, som er eit godt verktøy for å klare nettopp dette.

15 studiepoeng

Det er Høgskulen i Sogn og Fjordane som har utvikla kurset, som er eit fagleg og pedagogisk verktøy der målgruppa er almennlærarar og faglærarar som vil studere på deltid. Vidareutdanninga går over to semester. Studiestader er enten Sogndal, Sandane eller Førde og gir 15 studiepoeng.

Kontaktperson ved Høgskulen er høgskulelektor Ivar Offerdal, tlf. 57675065.