Balestrand Summit, den landsdekkjande konferansen om berekraftig reiseliv, vart arrangert for tredje gong, i juni 2010. Konklusjonen frå konferansen er klar: Noreg er det landet som satsar mest på eit berekraftig reiseliv.

Slik satsing vil bli eit viktig strategisk grep for reiselivet framover, meiner Halvard Ingebrigtsen, statssekretær i Nærings- og handelsdepartementet. Sjå føredraga og les bloggane frå konferansen på nettet.

Høg avgift mest effektivt

I tillegg til føredrag, som ein kan sjå video av, såg ein gjennom gruppearbeid nærare på kva faktorar som spelar inn for å få til eit meir berekraftig reiseliv. Det var tydeleg at høg avgift på langdistansetransport er det som er mest effektivt, skriv Innovasjon Norge som ei oppsummering på heimesida og på Facebook.