- Ei kjempeoppleving og ufatteleg lærerikt, seier 19-åringen om opplevinga å nå heilt til topps i ein tøff konkurranse. Han har gått på elektrolinja ved Sogndal vidaregåande skule, og har no læretida ved YIT i Øvre Årdal.

Vegen fram til NM-tittel
Fridell måtte gjennom to rundar med teoriprøvar på internett før han kvalifiserte seg til NM for lærlingar. I sterk konkurranse med fem andre lærlingar, gjekk han heilt til topps.
- Den største utfordringa var å prioritere rett, seier han i dei mange intervjua gjort av lokalavis og fagblad etter at pokalen og tittelen var sikra.

Tøft arbeid under hardt press
”Å vere nøyaktig, i tillegg til å jobbe raskt og effektivt under press, er ikkje så enkelt. Spesielt ikkje når deltakaren har under 5 mm feilmargin på plassering av alt frå klammer til koplingsboksar før ein risikerer å få poengtrekk”, skriv EL & IT-forbundet på sine nettsider.  Dei fekk nesten 100 nye medlemar etter deltaking på messa Eliaden.

Skal representere Noreg
i EM og VM
Den dyktige sogningen skal representere faget og Noreg i EM i elektrikarfaget i Madrid til hausten, og på yrkeslandslaget til yrkes-VM i London 2011.

God reklame for fag og bedrift
Noregsmeisterskapen vart arrangert i samband med elektromessa Eliaden med 20.000
besøkjande. I tillegg til kåringa av den flinkaste elektrikaren i landet, vart det konkurrert i telekommunikasjonsfaget. Vinnaren av telekommunikasjonsmontørfaget, Fredrik Gundersen, arbeider også i YIT, i Oslo.