Tidleg i november vart den stadig meir populære konkurransen, First Lego League arrangert for tredje gong i fylket.

Verdsomspennande turnering

FLL er ei verdsomspennande teknologiturnering for born i alderen 10 til 16 år. Kreativitet, samarbeid, design, stå-på vilje, teamånd, entusiasme, markeringsvilje, leik og læring er sentrale element.

Triggar kreativitet & risikovilje

I motsetnad til tradisjonelle oppgåveløysingar der ein leitar etter det eine fasitsvaret, krevst det problemløysing, vilje til å ta risiko, eksperimentering, mislukka forsøk undervegs og til slutt eit vellykka resultat.

"Stryn 9" til topps

Eid vidaregåande skule var arrangør, og etter ein heil dag med harde robotkampar, imponerande presentasjonar og energiske sceneshow stod laget ”Stryn 9” igjen som vinnar av konkurransen.

Dei representerer Sogn og Fjordane i den internasjonale finalen i Eskilstuna, Sverige, den 28. november.