SESO SB frå Ålesund imponerte så sterkt at dei fekk med seg tre prisar nordover att etter NM i gründerskap 2010. Sogn og Fjordane sende av gårde to studentbedrifter, Berserk2010 og NERK, men ingen av dei nådde til topps.

Sette farge på NM

Pressekontakt i UE, Wenche Wærner, veit med ein gong kven Driftig siktar til då vi spurte om å bruke bilete frå representantar frå fylket.
- NERK-jentene sette verkeleg farge på NM! Verkeleg moro å ha dei med, er kommentaren frå Oslo.

- Sjølv om vi ikkje fekk noko NM-tittel, var det ei oppleving og erfaringsrikt å delta, seier PR-ansvarleg for NERK, Daria Dysthe til Sogn Avis. Jentene er no i innspurten til arrangementet; NERKChallenge.

Les meir om NM på nettsidene til Ungt Entreprenørskap, og bli gjerne venn med dei på Facebook og få oppdatert informasjon.

Det var eit smart trekk av NERK-jentene å satse på fellesantrekk som synte att i menneskemengda, og som skapte god stemning. Her er det Marianne Kjøllesdal Sundal og Tove Knutsen. (Foto: Kristian Hunstad)