– Mads Masdal (16), frå Røde Kors Ungdom, er ein av initiativtakarane til ungdomsbedrifta 1st Floor i Førde.

- Gjennom kurset har eg fått tips til korleis vi kan få pengar og til å tenke meir kreativt i arbeidet med ungdomsklubben 1st Floor. Det har vore eit veldig nyttig og artig kurs, med kjekke kursleiarar, seier Masdal.

Løysingsorientert

Vi skal lage klubbhus i gamleskulen, fortel Ida Hjellbrekke Frøyen (17) og Anders Kvamme (17) frå Solstrålen 4H i Angedalen i Førde. Dei stiller villig opp på løysingsorienterte øvingar - med ballongar.

Pilotprosjekt

4H Sogn og Fjordane og Ungt entreprenørskap Sogn og Fjordane har starta pilotprosjektet 4H-skaparen for å få i gang ungdomsbedrifter i frivillige organisasjonar. Gjennom 4H-skaparen får ungdomane kurs og oppfølging i å starte opp og drive ungdomsbedrifter.

Klubbhus

- Vi vart med på 4H-skaparen for å få tips og idear, spesielt til korleis vi kan skaffe pengar, fortel Anders Kvamme frå Solstrålen 4H. 4H-klubben er no i gang med å pusse opp gamleskulen i bygda til klubbhus, og vil lage ungdomsbedrift av huset.

- Vi trur at klubbhuset vil bli ein populær stad å møtast for ungdomar i bygda, seier Ida Hjellbrekke Frøyen, som er leiar i Solstrålen 4H.   

Kurs i matlaging

- Eg vil tilby kurs i å lage sunn og god mat, og vise at matlaging kan vere kjekt og enkelt, fortel Filip Tøfte (19) frå Leikanger. Han skal snart i lære som kokk, og håpar etter kvart å starte ei bedrift som kan tilby kurs i matlaging for born og unge.  

Utvikling i bygdene

- Det finst svært mange gode idear til ungdomsbedrifter både blant 4H-klubbane og andre frivillige organisasjonar i fylket. Vi håpar at vi i samarbeid med Ungt Entreprenørskap kan gje ungdomar eit tilbod som gir meirverdi personleg og skape utvikling av bygdene, seier Rene Spijkers, leiar for prosjektet Ung framtid i 4H Sogn og Fjordane.  

Ung framtid

Ung framtid er eit treårig prosjekt i 4H Sogn og Fjordane. Entreprenørskap i 4H og bygdene er ein av pilarane i prosjektet, i tillegg til å arrangere 4H-Matskule og skape møteplassar for hybelbuarar. Ung framtid er støtta av Sparebanken Sogn og Fjordane, Sogn og Fjordane Fylkeskommune og Bygdeutviklingsmidlar gjennom Fylkesmannen si Landbruksavdeling.  

For ytterlegare informasjon, kontakt: 

Ida Hjellbrekke Frøyen: 41 85 34 08 (www.solstralen4h.org)
Anders Kvamme: 40 45 66 79 (www.solstralen4h.org)
Mads Masdal: 90 93 60 08 (www.1stfloor.no)
Filip Tøfte: 95 89 33 15
Rene Spijkers: 99 04 23 82 (www.4h.no/sognogfjordane