Gründerprisen for ungdom har blitt delt ut årleg sidan 2006, og skal stimulere til nyetableringar hjå ungdom i Sogn og Fjordane, og samstundes gje ei ekstra merksemd til unge og driftige gründerar.

Vinnarar

Tidlegare vinnarar er mellom anna Njål og Linn Wilberg (bilete) som står bak AskAdam AS, Jarand Fretheim bak Stadt Surfcamp og gründerane bak Moods of Norway.

Pengar & ære

Prisen er på 30.000 kroner og blir delt ut på Fylkestinget i desember.
Prisvinnaren skal vere busett og verksemda lokalisert i Sogn og Fjordane, og etableringa må ha skjedd i løpet av dei fem siste åra.

Juryen

Juryen består av representantar frå Fylkeskommunen, NHO, Fylkesmannen, Innovasjon Norge, samt ein tidlegare vinnar av Gründerprisen.

Fyller du nokre av desse punkta?

Aktuelle kandidatar vert vurdert ut frå følgjande kriterium:
• Nyetableringa skal ha eit tydeleg forretningsmessig potensiale. Det kan mellom anna vere i form av:
- arbeidsplassar
- omsetnad
- teknologisk nyskapande produkt
- kommersiell innretting av produkt
- offensiv nyskapning
- funksjon av produkt, nytteverdi og marknadspotensiale
- utnytting av nisjar både nasjonalt og internasjonalt
• Utnytting av forretningsmessig potensiale og marknadsføring
• Kompetanse hjå søkjaren (både formell og uformell kompetanse)
• Utnytting av lokale ressursar og ringverknader i lokalsamfunnet
• Fokus på marginale samfunn i fylket
• Kjønn med fokus på etablering av kvinnelege arbeidsplassar

Send forslag / søknad innan 1.november til:
Sogn og Fjordane Fylkeskommune
Næringsavdelinga
Askedalen 2
6863 LEIKANGER
eller på e-post til lisbeth.bringeboen@sfj.no