- De som sit i tiltaksapparatet i kommunane har ein særleg viktig jobb for å bidra til vekst og utvikling i fylket, sa assisterande fylkesdirektør Endre Høgalmen, på septembermøte i Tiltaksforum.

Vil påverke leiarnivået
- Det bekymrar oss at mange som arbeider med næringsutvikling i kommunane blir dregne mellom for mange oppgåver. Vi ønskjer å påverke leiarnivået i kommunane til å setje næringsutvikling endå høgare på dagsordenen. Det er heilt sentralt for nyskapinga i fylket at dei som vil starte eller vidareutvikle bedrifter vert møtt på ein god måte lokalt, sa Høgalmen under sin presentasjon.

Samarbeid for skjerping
Fylkeskommunen, Fylkesmannen si landbruksavdeling, Innovasjon Norge og representantar frå kommunane skal samarbeide for å heve kompetansen til dei som arbeider med næringsutvikling i kommunane. Det er mellom anna lagt opp til tre to-dagars kurs i prosjektarbeid i oktober og november. Verktøyet Etablererlink er kjøpt inn og blir tilbydd kommunane.

Avhengig av innspel
- For at dette prosjektet skal bli bra er vi avhengig av innspel frå dei som jobbar med næringsutvikling rundt omkring i heile fylket, seier Høgalmen. Oppmodinga er dermed klar; spørsmål og innspel blir retta til:

Assisterande fylkesdirektør Endre Høgalmen:
e-post: endre.hogalmen@sfj.no
Tlf.: 57 65 62 65 / 952 07 789
Seniorrådgjevar Audhild Schaathun
e-post: audhild.schaathun@sfj.no
Tlf. 57 65 62 57 / 415 30 602