"Innovasjon Norge har tidlegare hatt finansieringsordninga "kort og godt" for å stimulere til pakketering retta mot kortferiemarknaden", står det å lese på IN sine eigne heimesider. Omgrepet "pakketering" er heller nytt, men kan forklarast som eit sluttprodukt sett saman av ulike delar, skreddarsydd etter ønske frå kunden.

Stimulere til forpliktande samarbeid

Denne satsinga vert no vidareført med tenesta "partnarskap for opplevingsproduksjon". Formålet er å stimulere til forpliktande samarbeid mellom ulike aktører for utvikling av helskapleg opplevingstilbod retta mot ferie- og fritidssegmentet.

Ingen søknadsfrist

Marknaden vil ha enkle og fleksible pakker, og IN ønskjer at tenesta skal stimulere til konsept og tilrettelegging som møter denne etterspurnaden. Tilskot er avhengig av storleiken til prosjektet og potensial for verdiskaping. Det er ingen søknadsfrister.  For meir informasjon ta kontakt med Åsne Folstad (92 45 58 52) eller Sjur Sekse (90 07 44 46) ved Innovasjon Norge Sogn og Fjordane.