I konkurranse med seks andre bygdesamfunn, skåra bygda med lange tradisjonar for dugnad høgast.

Kriterier for prisen

Prisen skal gå til bygder som gjennom idérikdom, samarbeid og målretta arbeid har utvikla eit godt bumiljø, med trivsel for folk i alle aldrar.

Skal fremje bulyst & virke

Spennande og attraktive tilbod for innbyggjarar og tilreisande i lokalsamfunnet, er også kvalitetar det blir lagt vekt på. I tillegg til at bygdesamfunnet er livskraftig og om tiltaka er nyskapande, eller inneheld dristige idéar som fremjar bulyst og virke.

Juryen si grunngjeving

”Breim er ei bygd som har lange tradisjonar for å drive dugnad til beste for utvikling av bygda. Breimstafetten, Byrkjelo Games, nasjonale friidrettsstemne og Norsk countrytreff er døme på tilskipingar som understrekar bygda si vilje og evne til å dra lasset i lag på tvers av lag og organisasjonar, alder og kjønn.”

Lokale arbeidsplassar

Vidare vil juryen peike på den aktive rolla utviklingslaget har i arbeidet for å sikre og utvikle lokale arbeidsplassar. Positive haldningar er viktige i alle lokalsamfunn for å satse og ha tru på framtida.

30.000 kroner

I finalen kjempa Breim mot Oppstryn, Viksdalen og Vevring om prisen, som er på 30.000 kroner og eit spesiallaga diplom. Tildelinga skjedde under Fylkestinget 8. desember.

I fjor var det Holmedal vel i Askvoll som fekk prisen.