I sommmar deltok han og fleire andre bedrifter på Sommerdesignkontoret i Florø. Designprogrammet til Bedriftsforbundet og Innovasjon Norge får svært gode tilbakemeldingar i ei evaluering som er gjort av Rambøll Management. Heile 60 % av bedriftene har auka salet etter å ha teke del i designprogrammet og blitt meir marknadsorienterte.

Designsatsing – meir enn pynt
Gjennom designprogrammet har bedriftene satt design på dagsorden. Design har blitt integrert i strategiar og forretningsplanar. 60 % av bedriftene har auka salet etter å ha vore med i designprogrammet og 83 % av bedriftene i programmet har fått ein meir attraktiv grafisk profil.
- Undersøkinga dokumenterer at å investere i design skapar verdi for både kunde og bedrift, seier Claus Gladyzak, designrådgjevar ved Innovasjon Norge.

Vestnes Produkt – frå underleverandør til konseptutviklar
Vestnes Produkt og Vestnes Innredning i Florø er to av verksemdene som deltok frå Sogn og Fjordane. Bedriftene produserer elektriske omnar og skipsinnreiing.
- Tidlegare var vi underleverandørar av elektriske omnar og skipsinnreiing. No utviklar vi i mykje større grad totalkonsept for kunden, seier Bjørnset.

Konkurrer med Austen
- Vi konkurrerer med produsentar i Austen. Med eit godt design og tett samarbeid med kundane om produkttilpassing kan vi framleis vere konkurransedyktige, seier han.
I sommar fekk Vestnes Produkt hjelp av studentane ved Sommardesignkontoret til å utvikle ny emballasje, og den er blitt godt teken imot av kundane.

Gode resultat etter designsatsing
Vestnes Produkt og Vestnes Innredning har hatt ein god vekst i omsetnaden seinare åra. Bjørnset trur at dei gode resultata skuldast satsing på design og marknadsretting. I 2008 var omsetninga 32 millionar kroner, medan den var heile 50 millionar i 2009. Omsetnaden i 2010 blir om lag 28 millionar kroner, grunna stillstand i verftsindustrien.
– I 2010 har vi hatt ein del eksport, som er med og løfter resultatet, seier Bjørnset.

Design inn i næringslivet
Bedriftsforbundet, Innovasjon Noreg og Norsk Designråd har som mål å få fleire norske bedrifter til å bruke profesjonelle designarar i produktutviklinga og merkevarebygginga si. Innovasjon Noreg kan knyte kontakt med designarar innan industri-/produktdesign, visuell identitet, emballasjedesign og/eller interaksjonsdesign.