Yast-gründer og eigar av eit enkeltpersonføretak, Jørn Sandvik Nilsson, har enno ikkje levert sjølvmelding for ENK. For aksjeselskapa har dei hyra inn profesjonelle rekneskapsfolk.

Prioriterer ski i Stryn

I helga prioriterer han ski i Stryn. Arbeidet med sin eigen sjølvmelding blir gjort like før fristen; i løpet av måndagen. Han er sikker på at han kjem i mål med elektronisk innlevering før klokka bikkar 24.00.

- Kjedeleg med skjema

- Eg tykkjer det er kjedeleg å fylle ut skjema. Utfordringa mi har vore å samle og ta vare på kvitteringane i løpet av året, innrømmer han. Han har no teke i bruk ein gratis ressurs på nettet, www.evernote.com Det gjer arbeidet mykje enklare og meir effektivt.

- Genial gratisteneste på nett

- Eg tek bilete av kvitteringar med mobiltelefonen, etter kvart som eg får dei, og lastar dei opp på nettet. Programmet analyserer teksten, gjer det mogeleg å søkje på og forenklar dermed heile jobben, seier gründeren som vil mykje heller bruke tida på å utvikle nye produkt, eller stå på ski, enn skjemaveldet. Han deler gjerne tipset om evernote med andre næringsdrivande.

Andre tips til nettsider som hjelper deg med skatten:

Skatteetaten har den korrekte og saklege informasjonen. 

I nettmagasinet Enkelt – for deg med eige miniforetak - dukka det opp 40 treff på ordet selvangivelse. Det kan vere nokre tips å hente her.

På sida til Skattebetalerforeningen kan det kanskje vere noko å plukke opp – men der er medlemskap ofte nøkkelen til svara.

Har du andre tips til korleis gjere leveringa av sjølvmeldinga til ein fryd, send mail til oss i Driftig og vi deler med lesarane.