Med på turen var representantar frå Vestlandsforsking, Sogn og Fjordane fylkeskommune, Fylkesmannen i Sogn og Fjordane, Lotteri- og stiftelsestilsynet, Mediekameratane, Sogndal Fotball, Datainstituttet og Kunnskapsparken i Sogn og Fjordane.

Silicon Valley

Deltakarane fekk treffe folk frå både nystarta og etablerte IT-bedrifter i San Francisco og Silicon Valley, men også lokale styresmakter og Stanford-universitetet. Besøk hjå Apple sitt hovudkvarter var for nokon det absolutte høgdepunkt.

Stikkord for foredraga var entreprenørskap, it-løysingar, kommunikasjon, sosiale medier og samfunnsutvikling. 

Nyttig kunnskap

Svein Ølnes frå Vestlandsforsking har som deltakar blogga utførleg om turen . Les om inntrykka og ideane gruppa fekk i møte med næringslivet og likt og ulikt frå amerikansk kultur.  Foto frå turen ser du på Arild Nybø på Flickr.

Om IT-forum

IT-forum Sogn og Fjordane blei etablert i 1995, og er eit breitt samarbeid og spleiselag som skal sikre at Sogn og Fjordane er i fremste rekkje i å utnytte informasjons- og kommunikasjonsteknologi (IKT) i næringsliv, offentleg sektor, opplæring og utdanning. IT-forum utfører eit omfattande arbeid med å initiere, samordne og sikre viktige utviklingsaktivitetar til nytte for heile fylket.