Nyetableringa Havkraft var eitt av 12 nordiske selskap som var valt ut til å delta på CONNECT Nordic CleanTech Partnerforum 2. desember 2009.

Unik sjanse

- Ein unik sjanse for oss i Havkraft. Håpet er at vi kan finne den riktige samarbeidspartnaren når vi no går inn i neste fase av prosjektet, seier dagleg leiar Geir Arne Solheim.

Tett samarbeid

Eit tett samarbeid mellom Havkraft, Inkubator Vest og Connect Vest gjennom Kunnskapsparken i Sogn og Fjordane har gjort det mogleg å sette Havkraft på det nordiske energikartet.

Connect Vest

Connect Vest er ei ideell stifting, som tilbyr gratis hjelp til gründerar og vekstbedrifter. Dei koplar desse med kompetansebedrifter og investorar. Målet er ei raskare kommersialisering av vekstbedrifter for dermed å skape fleire levedyktige bedrifter og arbeidsplassar.

Ein del av eit internasjonalt nettverk
Stiftinga er ein del av eit nasjonalt og internasjonalt nettverk, og styrkar dermed sjansane for å nå ut til ein større marknad. Dei er finansiert gjennom medlemsinntekter, samarbeidsavtalar og offentlege tilskot. Kunnskapsparken i Sogn og Fjordane er samarbeidspartnar i Sogn og Fjordane.