- Det er svært gledeleg å sjå at satsinga Sogn og Fjordane fylkeskommune har gjort for å byggje opp eit førsteklasses simulatormiljø ved Sikkerhetssenteret i Måløy, no får gjennomslag nasjonalt, seier fylkesordførar Nils R. Sandal til avisa Firda.
 

Stor dag for fylket og vindkraftaktørar

Sandal underteikna intensjonsavtalen saman med senterdirektør John Olav Tande ved Nowitech (Norwegian Research Centre for Offshore Wind Technology)  under Vindkraftforum 2010.

Arrangementet samla rundt 250 personar frå forskingsmiljø, næringsliv og nasjonale vindkraftaktørar. Både noverande og tidlegare olje- og energiministrar, Terje Riis Johansen og Åslaug Haga, held innlegg og ga dagen tyngde.

Mest avanserte i landet

Sikkerhetssenteret  i Måløy har ein av dei mest avanserte skipssimulatorane i Norge. Dei har utvikla realistiske simuleringsmiljø for fullskala vindparkar til havs. Senteret kan teste ut alle typar marine operasjonar knytt til offshore vindkraft, og er ein del av eit større miljø innafor det feltet i Måløy.