Prisen blei delt ut av styreleiar i NHO Sogn og Fjordane, Charlotte Hartvigsen Lem.  Dagleg leiar, Ivar Presttun i PSWinCom, tok i mot prisen.

Til landsfinale

Kvart år delar NHO Sogn og Fjordane ut ein nyskapingspris til ein person – eventuelt fleire personar i samarbeid – som har starta og/eller utvikla ei mindre bedrift. I år er det altså bedrifta PSWinCom som skal representere Sogn og Fjordane i landsfinalen på Småtinget i Oslo i august.

Florøbasert

PSWinCom har hovudadministrasjon i Florø, i tillegg til kontor i Bergen og Kristiansand. Bedrifta har omlag 2000 bedriftskundar i Norge og i 75 andre land!

Firmaet blei etablert i 2004, med Ivar Presttun og Roald Brekkhus som aktive eigarar. Sidan 2004 er det årleg tilsett 2 – 3 nye medarbeidarar. Firma tilbyr eit spanande miljø for sine 12 tilsette.

SMS

PSWinCom handterer sending av SMS frå dataanlegg i bedriftene til mobiltelefoner, og over halvparten av alle som har mobiltelefonar i Noreg har motteke SMS melding frå firmaet. Eks på slike sms kan vere; passord til pålogging av nettbaserte tenester, påminning om legetime, bilen er ferdig på verkstad, pakke til henting og mykje anna!

God butikk

Bedrifta har ingen investorar utanom dagens 3 aktive eigarar, og er heller ikkje lånefinansiert. Omsettinga auka frå kr 17,5 mill. kr i 2007, til 25 mill. kr i 2008.