Kultur og Næringsprisen er den fremste arenaer i landet for å syne fram nyskapande, kreative og fruktbare samarbeid mellom kulturlivet og næringslivet. Målet er å heidre og feire dei beste eksempela som finst på gjensidig verdiskapande samarbeid.

Butikk og opera

Åmot Operagard og Spar Sande gjekk til topps i den nasjonale prisutdelinga. Operabøndene Steinar Sørli og Yngve Brakstad fekk prisen av næringsminister Trond Giske under ei tilstelning i Oslo 25.august.

Dynamikk mellom kultur og næring

25. august 2009 vart kultur- og næringsprisen delt ut første gongen. Prisen blir delt ut annakvart år, og målsetnaden er at fleire skal inspirerast av og oppdage den dynamikken som vert til når kultur og næringsliv møter kvarandre.

Grunngjevinga frå juryen

Juryen skriv mellom anna: - «Partane har gjensidig utnytta kvarandre sin kompetanse for å styrke kulturbasert næring, og lokalt omdømme for regionen Sunnfjord i Sogn og Fjordane. Konkret har Åmot Operagard brukt Spar Sande som mentor for å utvikle dei kulturbaserte næringane ved garden».

Sidan 1. august har alle hatt høve til å røyste på sin favoritt via internett, før ein jury nedsett av Forum for kultur- og næringsliv, tok den endelege avgjersla om kven som fortente prisen mest.

Sterk konkurranse

Dei andre nominerte var industriprosjektet Refsnes-frisen i Moss, samt samarbeidet mellom Rogaland Teater og Viking Fotballklubb i Stavanger.