Produktutvikling blir ikkje alltid prioritert høgt nok i ein travel kvardag, eller i stramme nedgangstider, sjølv om det er lønsamt. PRO2-programmet gjer noko med det.

Moro og lønsamt

Eit samarbeid mellom Innovasjon Norge og Bedriftsnettverket i Sogn og Fjordane løfter bedrifter i fylket opp eit par divisjonar, og gjer det meir moro og lønsamt å drive business. Dette skjer gjennom spennande koplingar mellom forskar- og designmiljø, der nøkkelorda er designdrive produktutvikling.

Nyttig innovasjonsverktøy

– Design er eit svært nyttig verktøy for å skape innovasjon. PRO2-programmet gir bedriftene nyttig trening i å bruke dette verktøyet i produktutvikling. Det sikrar at tankegangen ikkje blir ”produktfokusert”, men heller ”behovsfokusert”, forklarar designrådgivar ved Innovasjon Norge (IN), Claus Gladyszak. Svært konkret og matnyttig, akkurat slik bedriftseigarar likar.

Spenstig spenn blant deltakarane

Gjennom fire samlingar på designsenteret Transplant i Fjaler, har deltakarane fått kunnskap om den komplette designprosessen. Dei har fått individuell oppfølging av fagpersonar frå start til slutt - då produktet skal vere klart for marknadsføring og distribuering.

Bedriftsnettverket

- I dette kompetanseprogrammet har vi gått frå nysgjerrigheit til forståing og implementering – og til konkrete resultat ute i bedriftene, seier prosjektleiar Ole Kleiven i Bedriftsnettverket. Han hadde idéen, men legg ikkje skjul på at det er avgjerande å ha Innovasjon Norge med på laget.

Transplant

Marknadssjef Rune Henden ved Transplant meiner denne satsinga er eit løft både for kompetansemiljøet ved Transplant og for bedriftene i fylket. Ikkje minst har det vore nyttig for å gjere bedrifter merksame på kvarandre, og kompetansen ved Transplant som er av internasjonalt format.

Grip sjansen

Satsinga har gitt synlege resultat. Gode nok til at samarbeidspartnarane går på ein ny runde. Då gjeld det for bedriftene i fylket å vere vakne og gripe sjansen.