Det seier forskar Beate Rotefoss. For første gong i Norge er det gjennomført ei omfattande kartlegging av effekten av entreprenørskap i skulen. Rapporten  "Entreprenørskap på høygir!" har fleire overraskande funn.

Ungdom ser ei framtid i fylket

- Om lag ein fjerdedel av elevane svarer at dei ønskjer å busetje seg på heimstaden. Mellom 70 og 80 % av elevane i grunnopplæringa ønskjer å ta høgare utdanning, og om lag 15  % av elevane kan tenkje seg å etablere eiga bedrift. Om lag halvparten av desse att ønskjer å etablere bedrift i heimfylket. Det er sterke tal, og det lover godt for framtida til Sogn og Fjordane, meiner Rotefoss frå Kunnskapsparken i Bodø.

Entreprenørskap integrert i skulekvardagen

- Sogn og Fjordane skil seg frå resten av landet ved at det er mange ulike aktørar involvert i satsinga. Over halvparten av skulane i fylket har klart det mange skular rundt om i landet slit med;  å integrere entreprenørskapssatsinga inn i den generelle skulekvardagen.

Entreprenørskap – mykje meir enn bedriftsetablering

- Satsinga stimulerer entreprenørielle eigenskapar, som til dømes eleven sin evne til å vere kreativ, sjølvstendig, ta ansvar og stole på seg sjølv. Elevane ser mulegheiter i eigne miljø, og blir meir motiverte og engasjerte i skulen.

Gründer Mats Åsnes Skjelbred (foto) er eit godt døme på ungdom som har gått gradene innafor entreprenørskapssatsinga i fylket.

Tett kontakt med næringslivet

- Framleis er mykje av satsinga basert på eldsjeler, men fylket ligg skyhøgt over landsgjennomsnittet i høve utdanning av lærarar i entreprenørskap. Fylket er eit føregangsfylke når det gjeld satsing på lærarkrefter og utstrekt kontakt med lokalt næringsliv.

Pioneren for entreprenørskap

Høgskulelektor Ivar Offerdal er ein av pionerane for innføring av entreprenørskap i alt frå barnehage til høgskule. Sidan 2003 har han reist rundt i fylket som ein misjonær for REAL-metodikken. Han har hatt fleire turar til USA og land i Europa for å få idear til korleis satsinga kan styrkast og utviklast betre.

Les også