UE har samarbeidd med Skatte-etaten og LO om arrangement fem stader i fylket den siste tida. Arrangørane har presentert samarbeidsforum mot svart økonomi og om rettar og plikter i arbeidslivet. Ungdomsbedrifter frå heile fylket fekk presentere sine bedrifter i møte med styret og administrasjon i UE, politikarar og lærarar på dei vidaregåande skulane.

- Attendemeldingane har vore gode - både frå elevar, lærarar og eksterne gjester, seier UE-rådgivar, Eivind Husabø. - Ordførarane frå både Jølster, Førde og Florø møtte opp, og dei var imponerte over dei flotte ungdomsbedriftene.

På UE sine nettsider kan du lese meir om dei unge bedriftseigarane. Sjå også filmen frå NM i gründercamp i Trondheim, der ungdomar frå vårt fylke utmerka seg.