Dette er tredje året “Frå utdanning til jobb” vert arrangert.

Ettertrakta program

- Programmet har vorte utruleg ettertrakta i Sogn og Fjordane. Dette skuleåret har vi 1282 påmelde elevar. Det er eit høgt tal for vårt vesle fylke og utgjer 28 prosent av elevane i vidaregåande skular , seier Eivind Husabø i Ungt Entreprenørskap Sogn og Fjordane.

Lære ved å gjere

- Gjennom øvingar får elevane lære om korleis arbeidsmarknaden fungerer Dei får opplæring i korleis dei kan finne fram til aktuelle jobbar og korleis skrive ein god CV. Dei får heile vegen rettleiing av tilsette i Sparebanken Sogn og Fjordane, som har teke på seg gjennomføringa av programmet. Til saman ti rettleiarar frå banken skal ut til skular over heile fylket.

- Vi rettar ein stor takk til Sparebanken Sogn og Fjordane som tek på seg alt arbeidet med å vere rettleiarar, seier Husabø.

Det vert også sett søkjelys på sjølvinnsikt og kompetansekartlegging. Etter å ha gjennomført programmet skal elevane stå betre rusta i jobbsøkingsprosessen.