Prosjektet "Ung Framtid"  starta i 2007,  sluttar i 2010 og har fire kjerneområde;

• Matskule
• Møteplassar i skulesentra (vgs)
• Entreprenørskap i 4H og bygda
• Støtte til 4H-klubbar i fylket

Entreprenørskap i 4H og bygda
Mange 4H-medlemer og 4H-klubbar driv eit viktig entreprenørskapsarbeid i bygd og by, ved å lage til arrangement og skape tilbod for innbyggarane. 4H Sogn og Fjordane byggjer - gjennom "Ung Framtid" - vidare på arbeidet. Samarbeidet med Ungt Entreprenørskap Sogn og Fjordane sikrar fagleg hjelp og oppfølging.

Møteplassar i skulesentra
Her er hovudmålgruppa 1. års hybelbuarar fordi desse kan mangle nettverkt på skulestaden og fordi ungdomstida er ein spesiell fase i livet. Døme på aktivitetar er volleyballspeling i hallen, kosekveld på skulen og hybelmatkurs (promotert som eit godt sjekketriks!).

Matskule
4H-matskule er eit ope tilbod for born i 4.-7. klasse. I løpet av matskulen skal borna få gode opplevingar av sunn mat og fysisk aktivitet, og ha det artig i lag.

Støtte til 4H-klubbar i fylket
Gjennom "Ung Framtid" håpar 4H i Sogn og Fjordane å starte nye klubbar i fylket eller å nyoppstarte nedlagte klubbar.  Les meir om prosjektet ...

Om 4H i fylket, gå til Sogn og Fjordane 4H