Rundt 1000 elevar frå dei vidaregåande skulane i fylket er no påmelde til det nye programmet ”Frå utdanning til jobb”. Samarbeid mellom skule og næringslivet, (Fylkeskommunen, NHO, Ung Entreprenørskap (UE), Sparebanken Sogn og Fjordane, Sognekraft, SFE og Sunnfjord Energi) i prosjektet Karriere Sogn og Fjordane har synt seg svært vellukka.

Vellukka prøveprosjekt

- Det er eit eventyr i seg sjølv, at responsen er så fantastisk, stråler Eivind Husabø i Ungt Entreprenørskap. - Utprøving av prosjektet ”Frå utdanning til jobb” i fjor, ga resultat som var såpass bra at skulane ikkje har nølt med å melde seg på.

Karriererettleiing

Programmet er avgrensa til seks skuletimar, og handlar om å gjere ungdomane betre rusta til å velje rett karriere. Heidi Skorpen ved NHO sitt kontor i Florø, har ansvaret med å få partane til å samarbeide best mogeleg, og for gjennomføring av programmet i løpet av skuleåret.