- Vi femner breiare enn vi nokon gong har gjort; alt frå barnehage, grunnskule, vidaregåande og høgskule. I år er alle vidaregåande skulane med, mange tek full pakke med alle programma, seier Eivind Husabø, rådgivar i Ungt entreprenørskap (UE).

 

Ungdomsbedrifter
22. september var det registrert 22 ungdomsbedrifter i fylket. – Det er første gong vi har hatt så mange som har registrert seg så tidleg, seier Husabø. Det lovar godt. Han veit det vil kome mange fleire utover hausten. Ungdomsbedriftene dreier seg om alt frå gourmetmat til byggfag og it-verksemd.

 

 

Ulike typar gründercampar
Det finst tre ulike former for gründercamp; fornybar energi, bedriftsetablering og problemløysing for bedrifter – på 24 timar.
5. oktober er det gründercamp med bedriftsetablering ved HSF i Sogndal.
22. oktober er det Enova gründercamp ved Øyrane vidaregåande skule i Førde. Fokuset blir retta mot fornybar energi, og tema er ”Bruker vi energi rett, bruker vi rett energi?”

 

NM i gründeraktivitetar
Studentbedrifta som er etablert i fylket, yter konsulenttenester innafor automasjon, og er lokalisert på HSF i Førde. Dei skal vere med på gründercamp i Førde, der eit lag blir sendt vidare til Nasjonal gründercamp i Trondheim, og skal kjempe om NM-tittel.

UE betre, breiare og internasjonalt
- No har vi breidda frå barnehage, grunnskule, vidaregåande og høgskule godt forankra gjennom eit solid mannskap. Dette er absolutt eit teikn på at Ungt entreprenørskap er på rett veg, seier den entusiastiske rådgivaren som 24. september reiser til USA med UE -ungdomar frå fylket.