Kommunale næringsfond

I Vestland fylke disponerer nokre kommunar lokale næringsfond som skal nyttast til nyetableringar og mindre prosjekt. I 2022 er det sju kommunar som disponerer kommunale næringsfond (Askvoll, Fjaler, Gulen, Solund, Sunnfjord, Stryn og Vik). Andre kommunar kan ha til dømes kraftinntekter som vert nytta til støtte til oppstartverksemder.

Offentlege tilskotsordningar vert lagt ut på Regionalforvaltning.

Etablerarfond

Er du gründer i oppstartsfasen? Vurderer du å starte ny verksemd? Då kan du søke Etablererfond om inntil 50 000 kr til å gjennomføre naudsynte tiltak i oppstartsfasen! Du kan òg søkje tilskot om du registrerte selskapet i 2019.

Støtten skal gje deg høve til å tilegne deg kompetanse om marknad og økonomi.

Etablererfondet følger “førstemann til mølla”-prinsippet, og søknadsfristen gjeld til fondet er tomt.

Etablerarfondet gjeld for Bergensregionen, Sunnhordaland og Hardanger. Verksemder i resten av Vestland kan søkje kommunale næringsfond om etablerarstøtte.

Det er ikke avsatt midler til Etablererfond i 2022.

Kultur

Har du eit spennande kulturprosjekt du treng finansiering til? Ta kontakt med den lokale fyrstelinetenesta i kommunen din. Eller søk om kunstnarstipend frå fylkeskommunen.

Innovasjon Noreg

Innovasjon Noreg har ei rekkje støtte- og finansieringsordningar for nyetablerarar. Dersom du ynskjer å søkje innovasjon Noreg om finansiering bør du ta kontakt med det lokale kontoret i fylket. Innovasjon Noreg har lokaler i Bergen, Førde og i Sogndal. Hjå dei vil du få vite om prosjektet ditt er aktuelt for finansiering, og kva støtteordning du kan søkje på.

Før du søkjer hos Innovasjon Noreg må du registrere bedrifta di. Det kan du gjøre på Altinn.

Sparebanken Vest Næringsfond

Sparebanken Vest har sett av eit eige fond til gode idear. Ved spørsmål, kontakt Jøril Hovland i Kunnskapsparken i Vestland.

Connect Vest

Connect Vest er ei non-profit medlemsforeining som hjelper gründerar og vekstselskap ved å kople dei til kompetanse og kapital.